Eerste been van kampioenskappe

Back to Top

Hoërskool Klerksdorp blink uit op krieketvelde

“As daardie man sê dis 'n vier, dan is dit 'n vier.  Oom kan hom maar glo: hy is 'n kerkman!

Hierdie staaltjie oor Johan Mostert, oud-Hoërskool Klerksdorp-krieketspeler, is maar een van talle wat skeidsregter, mnr RD Liebenberg in herinnering geroep het by die skool se krieket prysuitdeling verlede week.  Liebenberg het as gasspreker opgetree by hierdie geleentheid, waar Tianne Mostert, Johan se jonger broer, as krieketspeler van 2005 bekroon is.

KHS het ook weer die geleentheid gehad om te spog met die Noordvaal-trofee, wat juis deur die span waarvoor Tianne gespeel het, gewen is, asook die Bambergerskild as Noordwes kampioene.  Nog individuele prestasies is die 5 paaltjies vir 6 wat Gert Hoffmann teen Hoër Tegniese Skool Middelburg, geneem het, en wat hom die houer van die Goetz-trofee maak.  Dirk van Staden is bekroon as die belowendste junior krieketspeler en Niël Bredenkamp as die belowendste senior.

Johan Grobler, Willie Erasmus, Rhyno van der Westhuizen, Dirk Visser en Tianne Mostert ontvang ook erkenning vir honderdtalle wat hulle gedurende die seisoen gemoker het.  Die Eerste Span van 2005 se twee afrigters, mnre Gert de Beer en Petrie Coetzee, het ook elkeen 'n trofee ontvang, spesiaal ontwerp en gemaak deur mnr Gert Venter, om hul droomseisoen te onthou.  KHS se Eerstes en O/15A-spanne speel tans in die Super 8-kompetisie.

Netbalspelers woon kursus by

Die netbalspanne en afrigters van Hoërskool Klerksdorp was vanaf 7 tot 9 Februarie bevoorreg om 'n kursus van Melinda de Bruin en Martie Morey by te woon op hul tuisbane. Die twee dames is bekend vir hul puik afrigtingskursusse asook prestasies wat hulle behaal met die spanne wat hulle afrig. Die Eerste span van Affies, wat in 2005 deur hul afgerig is, was Gissa wenners; Noordvaal wenners, sowel as S A kampioene. Dié span lewer ook twee S A speelsters op.

Die o/13-netbalspan van laerskool President het hul ook kom meemaak en saam geleer en geoefen. Almal stem saam dat daar baie nuwe tegnieke aangeleer is, en sien dus uit na 'n opwindende en suksesvolle netbalseisoen.
 

Back to Top